Гүл сыйлауға болады, мұғалім мен мектепке сыйлық беруге рұқсат жоқ

Гүл сыйлау - жақсы дәстүр, мұғалімдер мен мектеп әкімшілігіне сыйлық үшін ақша жинауға рұқсат жоқ - Білім және ғылым министрлігі.

Айшолпан КЕРІМ

  • 24.05.2022

Білім және ғылым министрлігі соңғы қоңырау мерекелік шарасында мұғалімдерге гүл сыйлау жақсы дәстүр деп есептейді.

БҒМ баспасөз қызметінің ақпаратынша, соңғы қоңырау дәстүр бойынша 25 мамырда соғылады. 

"Биыл эпидемиологиялық жағдай мектеппен қоштасу мерекесін өткізуге мүмкіндік беріп отыр. Бірақ шара міндетті түрде мектеп қабырғасында ұйымдастырылуы керек. Білім беру ұйымдарына барлық қажетті ұсыныс пен нұсқау берілді", - деді БҒМ мектепке дейінгі және орта білім комитетінің төрағасы Гүлмира Кәрімова.

Кәрімованың сөзінше, биыл елімізде 3,5 миллионнан астам оқушы үшін соңғы қоңырау соғылады. Ал 8 139 түлек - "Алтын белгі" төсбелгісіне үміткер.

Сондай-ақ Кәрімова соңғы қоңырауда ұстаздарға гүл сыйлауға болатынын атап өтті.

"Жыл сайын 1 қыркүйек немесе 25 мамыр қарсаңында қоғамда "Мұғалімге гүл сыйлауға бола ма? Бұл заңбұзушылық болып саналмай ма?" деген сұрақ туындайды. Біздің ұстанымымыз – иә, болады. Бұл жақсы дәстүр ғой", - деді Кәрімова.

Білім министрлігі "Түлек 2022 – Жаңа Қазақстанның ертеңі" бітіру іс-шараларын өткізу бойынша ұсыныстар әзірлеген.

Республиканың барлық жалпы білім беретін мектебінде соңғы қоңырау мерекесін бір мезгілде өткізу жоспарланып отыр. Оған мектеп ұжымы, түлектер мен олардың ата-аналары, педагогикалық еңбек ардагерлері, қамқоршылық кеңес мүшелері, демеуші ұйымдардың, білім және ғылым министрлігі мен білім басқармаларының өкілдері қатыса алады.

Мектеп бітіру кешін әр білім ошағы өзі өткізуі керек.

Мектеп бітіру кештерінде келесі шаралар рұқсат етілмейді:

- аниматорларды, мерекелік агенттіктерді, әртістерді, ақылы жеке студияларды шақыру;

- мерекелік дастархан жаю;

- жалға берілетін автокөліктермен қала (аудан) бойынша экскурсия өткізу;

- мектеп әкімшілігі мен мұғалімдерге сыйлық алу үшін ақша жинау;

- мектеп бітіру кештерін ойын-сауық мекемелерінде ұйымдастыру.

Байланысты жаналықтар

Алматы облысында мұғалім оқушының шашын кесіп тастаған

25.11.2021

Мен туыммен мақтанамын

23.10.2020

Porsche Taycan – Porsche толық электрлі спорт автокөлігі сатыла бастады

23.11.2020

БҰҰ сарапшылары: Қытай түрмедегі мұсылмандардың іш-құрылысын күштеп алып жатыр

15.06.2021

«Ұлымды өлтірген полицейлер жазаланбады»

21.05.2021

«Үкіметтік емес ұйымдар академиясы» әлеуметтік жобасы басталады

21.07.2022
MalimBlocks
Алматы облысында мұғалім оқушының шашын кесіп тастаған

Мен туыммен мақтанамын

Porsche Taycan – Porsche толық электрлі спорт автокөлігі сатыла бастады

БҰҰ сарапшылары: Қытай түрмедегі мұсылмандардың іш-құрылысын күштеп алып жатыр

«Ұлымды өлтірген полицейлер жазаланбады»

«Үкіметтік емес ұйымдар академиясы» әлеуметтік жобасы басталады