Halyk Arena-ға вирус жұқтырғандарды жатқызбақ
Алматы қаласындағы провизор орталықтарының 90 пайызы, ал инфекциялық стационарлардың 95 пайызы бос емес. Бұл туралы Алматы қаласының қоғамдық денсаулық сақтау басқармасының басшысы Камалжан Надыров мәлімдеді.
К.Надыров науқастарға қосымша төсек орын қарастырылып жатқанын айтты. "Біз инфекциялық бағытта қосымша төсек орын қарастырдық. Halyk Arena-дан 500 орын, Теміржол ауруханаларынан 150 орын, Кардиология және ішкі аурулар ғылыми-зерттеу институтында 150 орын ашуды жоспарлап отырмыз", - деді К.Надыров.
Қоғамдық денсаулық сақтау басқармасының басшысы Halyk Arena-ға қажет болса, мыңнан астам науқас жататын орындар дайындалатынын мәлімдеді.
Фото: Sputniknews.kz