Кімдер Қазақстан Президентінің күзетшісі бола алады?
Мемлекеттік күзет қызметі қатарына мерзімді әскери қызметке іріктеу басталды.
ҚР Мемлекеттік күзет қызметі қатарына мерзімді әскери қызметке іріктеу басталды. 1 наурыз - 5 сәуір аралығында ҚР МКҚ өкілдері барлық облыс орталығы мен республикалық маңызы бар қалада үміткерлерді таңдау және зерделеу жүргізеді, деп хабарлайды ҚР МКҚ баспасөз қызметі.
Үміткерлерге қойылатын талаптар:
- жасы 18-27 арасында;
- бойы 180 см-ден төмен емес және 195 см-ден жоғары емес;
- білімі орта білімнен төмен емес;
- денсаулығы жақсы;
- жоғары білімді;
- спорттық жетістіктері мен разряды бар шақырылушыларға басымдық беріледі.
ҚР МКҚ қатарына өткен шақырылушылар мерзімді қызметін Астана және Алматы қалаларындағы 0112 және 0111 әскери бөлімдерінде атқарады. Мерзімді қызмет сарбаздары ҚР Президенті және басқа да күзетілетін адамдардың қауіпсіздігін қорғау, рәсімдік және протоколдық іс-шараларға қатысу, ҚР Мемлекеттік Туы мен ҚР Мемлекеттік Елтаңбасы эталондарын күзету секілді айрықша міндеттерді атқарады.
Қосымша сұрақ +7 776 800 27 28 телефон нөмірі бойынша.
Байланысты жаналықтар
MalimBlocks
![](/images/article-img/600/23673-1722415723.jpg)