Нұр-Сұлтан қаласы карантинге жабылуы ықтимал. Бұл туралы Денсаулық сақтау министрлігінің ресми өкілі Диас АХМЕТШӘРІП хабарлады.
Бұл мәлімдемені министрлік өкілі «Ашық алаң» ток-шоуында жариялады. Қазір ресми ақпарат бойынша Нұр-Сұлтан мен Алматы қаласында 27 адамға коронавирус жұққан.
«Б» жоспары бойынша жергілікті басқару органдары мен әкімдік шешеді. Бүгін сондай мәлімет болуы керек. Мүмкін қаланы да жабатын шығар», - деді Диас Ахметшәріп Qazaqstan ұлттық арнасындағы "Ашық алаң" ток-шоуында.
Десе де қаланы карантинге жабу туралы шешімді қала басшысы Алтай КӨЛГІНОВ шығарады. Бүгін денсаулық сақтау министрі Елжан БІРТАНОВ астанада 14 адамнан қатерлі вирустың анықталғанын хабарлаған. Тағы бір коронавирусқа шалдыққан қазақстандық Германияда емделіп жатыр.
Фото: tengrinews.kz
