Сыртқы істер министрі Мұхтар Тілеубердінің айтуынша, еліміз соңғы 20 жыл ішінде Орталық Азия мен Ауғанстанға 500 миллион доллардан астам сомаға ресми және гуманитарлық көмек көрсеткен. М.Тілеуберді мұны БҰҰ-ның 75-сессиясы аясынд өткен кедейшілікті азайту және Оңтүстік-Оңтүстік ынтымақтастығы бойынша БҰҰ-ның жоғары деңгейдегі отырысына бейнеконференция арқылы қатысқанда айтқан.
"Қазақстан Оңтүстік-Оңтүстік форматындағы ынтымақтастықты дамыту бойынша жаһандық күш-жігерді толықтай қолдайды. Соңғы 20 жыл ішінде еліміз негізінен Орталық Азия мен Ауғанстанның экономикалық әлеуетін нығайтуға бағытталған 500 млн. АҚШ доллардан астам сомаға дамуға ресми көмек пен гуманитарлық көмек көрсетті. Бұл жұмысты жүйелендіру үшін KazAID арнайы ұлттық агенттігін құру бойынша жұмыс жүргізілуде", - делінген сыртқы істер министрлігінің хабарламасында.
