Шымкент әуежайына "жарылғыш зат" қойылған
Бүгін, 7 сәуір күні, Шымкент қаласының әуежайына "жарылғыш зат" қойылды деген ақпарат келіп түскен.
Хабарлама келіп түскеннен кейін әуежай ғимаратынан қызметкерлер мен жолаушылар эвакуацияланған.
"7 сәуір күні аталмыш оқиға Шымкент қаласы полиция бөлімінде Қылмыстық кодекстің 273 "Террористік акт туралы көпекөрнеу жалған ақпарат тарату" бабы бойынша тіркеуге алынды", - деп хабарлады полиция департаменті.
Оқи отырыңыз: Алматы әуежайында "бомба" бар деген күдікпен адамдар эвакуацияланды
Тергеу жұмыстарына байланысты өзге ақпарат жария болмайды.
Айта кетейік, осыған дейін Алматы, Нұр-Cұлтан мен Қарағанды қалаларында да "бомба" қойылды деген ақпарат тарап, кейіннен полиция оларды жоққа шығарған.
