Төтенше жағдай. Шенеуніктер шеттерінен ұсталуда
Ұлттық қауіпсіздік комитеті Шымкент қаласы әкімінің орынбасары Мақсұт Исаховты ұстады.
Шымкент қаласы әкімінің орынбасары М.Исахов жемқорлық жасады деген күдікпен ұсталды. Бұл факт бойынша сотқа дейінгі тергеп-тексеру және барлық қажетті жедел-тергеу іс-шаралары жүргізілуде», делінген ҰҚК баспасөз хабарламасында.
Бүгін Сыбайлас жемқорлыққа қарсы күрес агенттігі де Төтенше жағдайлар министрлігіндегі бірнеше лауазымды қызметкерлердің ұсталғанын хабарлады. Атап айтқанда, ТЖМ Өртке қарсы қызмет комитетінің төрағасы, сондай-ақ Шымкент қаласы мен Жетісу облысы бойынша ТЖД бастықтары да пара алды деген күдікпен қамалды. Ақпаратқа сәйкес, олар өртке қарсы қауіпсіздік саласындағы қамқорлығы үшін кәсіпкерлерден жүйелі негізде пара алып, тексерілетін ұйымдарды келісімшарттар жасау арқылы олардың қызметтерін сатып алуға және уақтылы ақы төлеуге мәжбүрлеген деп күдіктенеді.
