Әселханның соңғы өлеңі: "Сексеннен асырып , шаршатпа бірақта"

Халық ақыны Әселхан Қалыбекованың әлеуметтік желіде жариялаған соңғы өлеңі

Malim Админ

  • 05.07.2021

Жамандық, тіліңе шоқ түскір,

Бір жылың бір күндей өтті ұшқыр.

Карантин, қараң күн бітсін деп жүргенде,

Жетпісім айналып, жетіпті жетпіс бір.

 

Жетпіс бір хош келдің, сенде бір дәуірсің,

Не жазбақ, не обал қаламға қауырсын.

Бақ құмар, таққұмар әулекі мінезің,

Қазағым, басыңа түсірді ауыр сын.

 

Жетпіс жыл бодандық шірітті кендірді,

Отыз жыл еркіндік шайқады мөлдірді.

Тойымсыз бәтуа, өзімшіл рәсуә,

Орынсыз тірліктің оңбасын ел білді.

 

Жеті жұт енгендей жиырып арқаны,

Бетіңді тұмшала, бөлек іш сорпаны.

Жан-жақтан жөйттер жеріңе анталап,

Көзіңе құм шашып, төзімді сарқады.

 

Кеудемді ашытып өртейді бір жалын,

Өзіңе бұйырмай шашылды қырманың.

Шымырлап шындықтың шығыры айналса,

Суық қол байланса, ар-намыс бойды алса ырзамын.

 

Қырықтан асқанда жайнамаз, тәспі алдым,

Жұлдызбен жамырап, әппақ Ай жастандым.

Рамазан әр келгенде әлдидей еркелеп,

Қадір түн, Құдайға жеткендей шаттандым.

 

Я, Алла, я, жұртым, жарытқан тұраққа,

Асығар түрім жоқ шақырса жұмаққа.

Өлең бар, өмір бар, тәуекел тәубам бар,

Сексеннен асырып , шаршатпа бірақта.

 

Байланысты жаналықтар

Бүгін Еуро-2024 чемпионатының финалында Испания мен Англия ойнайды

14.07.2024

Головкин 25 млн теңге жалақы алмайды – ҰОК

14.07.2024

«Сынақ бізді сындырмайды». Жәнібек Әлімханұлы ауруханадан шықты

13.07.2024

Жәнібек Әлімханұлы есінен танып, жекпе-жектен бас тартты

12.07.2024

«Сарыарқа» хоккей клубы мемлекет меншігіне қайтарылды

12.07.2024

Жәнібек Әлімханұлы «Канеломен» жекпе-жекке шығатынын айтты

12.07.2024
MalimBlocks
Бүгін Еуро-2024 чемпионатының финалында Испания мен Англия ойнайды

Екі құрама ойыншылары түгел дайын

Головкин 25 млн теңге жалақы алмайды – ҰОК

ҰОК желіде тараған ақпаратқа жауап берді

«Сынақ бізді сындырмайды». Жәнібек Әлімханұлы ауруханадан шықты

Ол салмақ қуам деп есінен танып қалған болатын

Жәнібек Әлімханұлы есінен танып, жекпе-жектен бас тартты

14 шілде күні Лас-Вегаста (АҚШ) жаңазеландиялық Андрей Михайловичпен кездесу өтпейтін болды

«Сарыарқа» хоккей клубы мемлекет меншігіне қайтарылды

Қазір прокурорлар мемлекеттік мүлікті жекешелендірудің заңдылығын тексеріп жатыр.

Жәнібек Әлімханұлы «Канеломен» жекпе-жекке шығатынын айтты

Бұл туралы Sports.kz жазды.