«Ауырып қалған» Елена Рыбакина WTA 1000 турнирінде төбе көрсетті
Оның қызу дайындалып жатқан бейнежазбасы тарады
Елена Рыбакинаның Cincinnati турнирінде ойынға дейін жаттығып жатқан бейнежазбасы тарады, деп хабарлайды Malim.kz.
Cincinnati Masters – тамыз айында АҚШ-тың Мейсон қаласында қатты кортта өткізілетін кәсіби теннис турнирі. 2009 жылдан бастап ерлер арасындағы турнир 6,6 миллион долларға жуық жүлде қоры бар Мастерс сериясына жатады; ал әйелдер жағы WTA 1000 сериясына жатады. Оның жүлде қоры шамамен 2,8 миллион доллар.
Айта кетейік, даңқты «жерлесіміз» Жазғы Олимпиада ойындарының басталуына тура 1 күн қалғанда әлеуметтік желіде пост жазып, онда ауырып қалғанын, соның салдарынан Олимпиадаға қатыса алмайтынын айтқан еді. Жазбасында Уимблдон турнирінен кейін бронхитпен ауырып қалғанын, жаттығуға қайта оралуға тырысқанына қарамастан денесі әлі қалпына келмегенін айтқан болатын. Соған байланысты дәрігерлер кортқа шығуға қатаң тыйым салғанын жазған.
Алайда қазақстандықтар оның бұл сөзіне сенбей, ел атынан сынға түсер сәтте бас пайдасын ойлап, Олимпиададан әдейі бас тартқан ретінде қабылдады.
Фото: әлеуметтік желіден
