Дюссельдорф қаласында (Германия) 2024 жылғы футболдан Еуропа чемпионатының топтық кезеңі аясында Словакия-Украина матчы аяқталды, деп хабарлайды Malim.kz.
Өте тартысты өткен ойын Украиналықтардың жеңісімен 2:1 есебімен аяқталды. Матчта бірінші голды украиналықтар жіберді, есепті 17-минутта «Славия Прага» командасының шабуылшысы Иван Шранц ашты. Бельгиямен ойында жеңіс голын дәл осы футболшы салып еді.
Бірақ 2-таймда Украина екі гол соғып, жеңісті жұлып алды. Украинаның Германиядағы алғашқы голын 54-минутта киевтік «Динамоның» жартылай қорғаушысы Николай Шапаренко болды. Ал 80-минутта «Валенсияның» шабуылшысы Роман Яремчук жеңіс голын соқты.
Айта кетейік, Словакия құрамасы Еуро-2024-ті сенсациямен бастады. Олар Е тобының фавориті Бельгия құрамасын 1:0 есебімен жеңіп кеткен еді.
Ал Украина құрамасы турнирдің, керісінше, күтпеген жерден Румыниядан ірі есеппен жеңілді (0:3).
Фото: uefa.com
Байланысты жаналықтар
MalimBlocks
