Нұрдос Сабыр ауыр атлетикадан жасөспірімдер арасында әлем чемпионы атанды
Әлем чемпионаты Лимада өтіп жатыр
Ауыр атлетикадан Қазақстан жасөспірімдер құрамасының өкілі Нұрдос Сабыр Лимада (Перу) әлем чемпионы атанды, деп хабарлайды Malim.kz.
Ұлттық олимпиада комитетінің мәлімдеуінше, 89 келіге дейінгі салмақта оған тең келер ешкім болмады. Қоссайыс бойынша зілтемірші 333 (148+185) келі көтерді.
Екінші орын Валерик Мовсесянға (Армения) бұйырды – 329 келі. Бекзод Гофиржонов үшінші нәтижені көрсетті – 324 келі.
Айта кетейік, Сабыр былтырғы әлем чемпионатында екінші болған.
Бұл чемпионатта Қазақстан құрамасының еншісінде екі жүлде бар. Бұған дейін 67 келі салмақ дәрежесінде Ақжол Құрманбек күміс алған болатын.
Фото: ҰОК
