«Қазақша айтасыз ба, түсінбей жатырмын». Қазақстандық дзюдошы сұрақты қазақша қоюды сұрады
Ол Qazaqstan Barysy Grand Slam турнирінде қола жүлдегер атанды
Қазақстандық дзюдошы Бақытжан Әбдірахмановтың орысша сұрақты түсінбей, қазақшалап қоюын сұрады. Оның бұл сәті әлеуметтік желіде тарады, деп хабарлайды Malim.kz.
Ол Астанада өткен дзюдодан Qazaqstan Barysy Grand Slam әлемдік турнирінде 73 келіде белдескен еді. Жарыстың екінші күнінде татамиге шыққан ол қола жүлде жеңіп алды. Белдесуден соң балуан тілшілер сұрағына жауап беруге шыққан сәтте орысша сұрақты түсінбейтінін айтып, қазақшалап қоюды сұрады. Сөйтіп, тілшінің сұрағын қасындағылар ана тілімізге аударып беруге мәжбүр болды.
@jud.o2022team0 Қазспорттың орыстілді Қазақ журналисі Бақытжанға орысша сұрақ қойды. Бақытжан оған "орысша түсінбеймін, Қазақша айт, орысша түсінбеймін" деп кесіп айтты. Спортшылар Қазақ тілі үшін де күресіп жүр #QazaqstanBarysyGS #judo
♬ original sound - Judo_World
Айта кетейік, ол жарыс жолында әуелі ирландиялық Джошуа Гринді жеңген еді. Екінші күнгі белдесулерде Франция, Монтенегро және Оңтүстік Корея спортшыларынан басым түсті. Ал ширек финалда осы салмақтағы көшбасшылардың бірі, Үлкен дулыға турнирін 4 рет ұтып алған Махмадбек Махмадбековті (AIN) де айқын басымдықпен ұтты. Тек жартылай финалда ғана ресейлік дзюдошыға есе жіберді.
Фото: Қазақстан дзюдо федерациясы
