Қазақстандық спортшы фристайл-акробатикадан тарихи жеңіске қол жеткізді
Дінмұхаммед Райымқұлов жасөспірімдер арасында әлем чемпионы атанды
Фристайл-акробатикадан Қазақстан құрамасының спортшысы Дінмұхаммед Райымқұлов Алматыда өтіп жатқан жасөспірімдер арасындағы әлем чемпионатында алтын медаль жеңіп алды, деп хабарлайды Malim.kz.
ҰОК мәлімдеуінше, спортшы 97.11 ұпай жинап, үшінші аралық нәтижемен финалдық алтылыққа өткен. Дәл осындай ұпайды іріктеу кезеңінде канадалық Эллиот Бюрегар да жинаған болатын. Ал іріктеуден кейінгі көшбасшы Қытай спортшысы Юйхэн Ян болған – 101.79 ұпай.
Финалдық орындауында Дінмұхаммед 104.52 ұпай жинап, төрешілердің шешімімен жеңіске жеткен.
Екінші орынды Қытайлық Юйхэн Ян (101.79), ал қола медальді тағы бір қытайлық спортшы Чжичен Ян (94.82) иеленді.
Айта кетейік, Қазақстан құрамасы осы спорт түрінен алғаш рет алтын медальға ие болып отыр.
Фото: ҰОК
