Рамазан Оразов Данияның футбол клубына ауысты
Даниялық клуб Еуропа лигасының іріктеу кезеңінде ойнайды.
«Ақтөбе» футбол клубы жартылай қорғаушы Рамазан Оразовтың даниялық «Силькеборг» клубына ауысқанын ресми түрде мәлім етті, деп хабарлайды Malim.kz.
26 жастағы ойыншы 2021 жылы “Ақтөбе” сапын толықтырып, 2022 жылы ақ-қызылдармен бірге Қазақстанның күміс жүлдегері атанған болатын. Біздің клуб сапында жүріп, Оразов ұлттық құрамада дебют жасады. Биылғы маусымның алдында “Ақтөбеге” қайта оралып, команданың бірінші орынға көтерілуіне өз үлесін қосты, - делінген ақпаратта.
Рамазан жаңа клубына 26 маусым күні жазғы трансферлік терезе ашылған соң ғана ауысады. Оған дейін ойыншы “Ақтөбе” сапындағы барлық матчтарға қатысады.
Айта кетейік, Оразов клуб құрамында барлық турнирлерде жалпы саны 49 матч өткізіп, 2 нәтижелі пас берді.
Фото: instagram.com/fcaktobe_official
Байланысты жаналықтар
MalimBlocks
