Сметовті қапы қалдырды. «Жылдың үздік дзюдошысы» анықталды
Барлық үміткер Париждегі 2024 жылғы Олимпиадада алтын медаль иеленген
Әзербайжандық Хидаят Гейдаров Халықаралық дзюдо федерациясының "Жылдың үздік дзюдошысы " номинациясының жеңімпазы атанды, деп хабарлайды Malim.kz.
IJF-тің ресми сайтындағы мәліметке сүйенсек, аталған санаттағы үш финалист қатарында грузин спортшысы Лаша Бекаури мен қазақстандық Елдос Сметов те бар.
Барлық үміткерлер Париждегі 2024 жылғы Олимпиадада алтын медаль иеленген.
Нәтижесінде Қарағандыда дүниеге келген, бірақ ертеректе отбасымен Бакуге көшіп кеткен Гейдаров жеңіске жетті. Марапаттау рәсімі Парижде Қазақстан құрамасы жіберіп алған Grand Slam сериясының турнирі аясында өтті.
2024 жылғы Олимпиадада алтын медаль алған канадалық Криста Дегучи қыздар арасындағы "Жылдың үздік дзюдошысы" деп танылды. Жылдың үздік иппоны сыйлығы француз Тедди Ринерге бұйырды.
Фото: Reuters
