Жәнібек Әлімханұлы «Канеломен» жекпе-жекке дайындалып жатыр
Әлімханұлы шілде айында чемпиондық атақтарын қорғайды.
Жеңілмеген қазақ боксшысы Жәнібек Әлімханұлы (15-0, 10 КО) Жаңа Зеландия атынан өнер көрсететін ресейлік Андрей Михайловичпен (21-0, 13 КО) жекпе-жек алдында мәлімдеме жасады, деп хабарлайды Malim.kz.
Мен 13 шілдеге ғана емес, мен «Канелоға» дайындалып жатырмын, - деп жазды Жәнібек өзінің X (бұрынғы Twitter) парақшасында.
Мексикалық Сауль «Канело» Альварес (61-2-2, 39 КО) – орта салмақта абсолютті әлем чемпионы.
Айта кетейік, Әлімханұлы мен Михайлович кездесуі Астана уақытымен 14 шілде күні Лас-Вегаста (АҚШ) өтеді. Әлімханұлы бұл айқаста WBO және IBF нұсқалары бойынша әлем чемпионы атағын қорғайды.
Фото: prosports.kz
