Орта салмақта WBO және IBF белбеулерінің иегері, кәсіпқой боксшы Жәнібек Әлімханұлы доминикандық Карлос Адамеспен жекпе-жек өткізуге дайын екенін тағы бір мәрте мәлімдеді. Алайда ол қарсыласының бұл шақыруды қабылдайтынына күмәнмен қарайды, деп хабарлайды Malim.kz.
Ол әлеуметтік желіде жазба жариялады.
«Егер ол менімен шаршы алаңда жұдырықтасуға келіссе, мен оны нокаутқа жіберемін. Бірақ оның рингке шықпайтынын сіздер сезіп отырсыздар, өйткені ол – қорқақ!» – деп жазды Әлімханұлы.
Инсайдерлік ақпараттарға сәйкес, екі боксшының командасы өзара келіссөз жүргізіп жатыр. Айта кетейік, Карлос Адамес 2022 жылы WBC нұсқасы бойынша уақытша чемпион атағын жеңіп алып, кейін негізгі чемпиондық белбеуді де иеленген болатын.
Фото: X/Janibek Alimkhanuly
