Таласбек Әсемқұлов

Жазушы, күйші, кинодраматург, мәдениеттанушы Таласбек Әсемқұлов (1955-2014) 1955 жылы 1 тамызда Семей облысы Аякөз ауданы «Ақтоғай» теміржол стансасында дүниеге келген. 1976-80 жылдары Алматыда Абай атындағы педагогикаинституты филология факультетінде қыған. 1980-83 жылдары Ықылас Дүкенұлы атындағы Ұлт аспаптар музейінің ғылыми қызметкері болды. 1984-87 жылдары Республикалық «Жазушы» баспасында әдеби редактор. 1987-98 жылдары Құрманғазы атындағы Алматы мемлекеттік консерваториясы фольклор кабинетінің меңгерушісі. 1998-2006 жылдары «Жұлдыз» әдебі журналы сын бөлімінің меңгерушісі. Проза, сценарий жазу өнерімен пединститутта оқып жүрген студент кезінен айналысқан. Республикалық баспасөзде «Атайы», «Кәрі ат», «Арылу» сияқты әңгімелері, «Шымдан» повесі және музыканттардың өміріне арналған «Талтүс» романы жарық көрген. «Көкбалақтың өлімі», «Біржан сал», «Жезтырнақ», «Алматы – Астана», «Тұмар падиша» сынды киносценарийлердің авторы. Сондай-ақ республикалық баспасөзде қазақ және орыс тілінде түрлі әдебиет, мәдениеттану тақырыптарына арналған бірқатар мақалалары жарық көрген. 1973 жылы «Бәйжігіт күйлері» деген жеке гранд-дискі бүкілодақтық «Мелодия» фирмасынан шықты. «Мәңгілік сарын» антологиясына 20-дан, «Қазақтың мың күйі» (2009) антологиясына 40-тан астам күйі енген. 2010 жылы Парижден «Таттімбеттің мұрасы» СД-дискі шыққан.

Қайтыс болған соң Таласбек Әсемқұловтың 6 томдық шығармалар жинағы жарық көрді. Жазушының сценарийі бойынша «Біржан сал», «Құнанбай» фильмдері түсірілді. 20114 жылы Алматыда қайтыс болды.