Соңғы уақытта әлеуметтік желілерде танымал болу мақсатында табиғи және тарихи нысандарды бүлдіру жағдайлары көбейіп отыр, деп хабарлайды Malim.kz.
Жартастарға, ескерткіштерге және өзге де мәдени-тарихи нысандарға жазу жазу, оларды зақымдау заң бұзушылық болып саналады. Мұндай әрекеттер елдің табиғи және мәдени мұрасына айтарлықтай зиян келтіреді.
Қазақстан Республикасының Қылмыстық кодексінің 294-бабына сәйкес, мемлекет қорғауындағы нысандарды бүлдіргендерге 100-ден 2000 АЕК-ке дейін айыппұл салу, қоғамдық жұмыстарға тарту, 50 тәулікке дейін қамау, бас бостандығын шектеу немесе 3 жылға дейін бас бостандығынан айыру жазасы қарастырылған.
Мамандар табиғат пен тарихи мұраға құрметпен қарау әр азаматтың міндеті екенін ескертеді. Вандализмнің кез келген түрі заң аясында қатаң жазаланады.
