26 сәуір, жексенбі күні Қазақстанның басым бөлігінде қолайсыз ауа райы сақталады. Синоптиктердің мәліметінше, ел аумағында ауа райы құбылмалы болып, бірқатар қауіпті құбылыстар тіркелуі мүмкін, деп хабарлайды Malim.kz.
Солтүстік өңірлерде нөсер жаңбыр жауады. Республика бойынша найзағай ойнап, кей жерлерде бұршақ жаууы және дауыл соғуы ықтимал. Ал батыс пен оңтүстік-шығыс аймақтарда жауын-шашынсыз, ашық ауа райы күтіледі.
Оңтүстік өңірлерде шаңды дауыл тұруы мүмкін. Сонымен қатар басқа аймақтарда желдің күшеюі мен тұман түсуі болжанып отыр.
Түнгі уақытта Батыс Қазақстан облысының солтүстігі мен шығысында, Қостанай облысының батысы мен солтүстігінде, сондай-ақ Ақтөбе облысының солтүстігінде ауа температурасы күрт төмендеуі ықтимал.
Ауа райының тұрақсыздығына қарамастан, өрт қаупі де сақталады. Жетісу облысының оңтүстігінде өрт қаупі жоғары болса, шығыс бөлігінде өте жоғары деңгейде. Сонымен қатар Абай және Шығыс Қазақстан облыстарының орталық және оңтүстік-шығыс өңірлерінде де өрт қаупі жоғары деп бағаланып отыр.
Синоптиктер тұрғындарды сақтық шараларын сақтауға шақырады.
