Путин Ресейдің ірі мұнай компанияларын өз қолына біріктірмек – шетелдік БАҚ

Ресей астанасы Мәскеуде елдің ірі мұнай компанияларын біртұтас ұлттық холдингке біріктіру жоспары талқыланып жатыр. The Wall Street жазуынша, бұл жоспар жүзеге асырылған жағдайда, Ресей президенті Владимир Путин энергетикалық секторды мықтап бақылауға алады әрі елдің әлемдік мұнай нарығындағы ықпалы арта түспек, деп хабарлайды Malim.kz.

Қарастырылып жатқан сценарийге сәйкес, мемлекеттің басты мұнай компаниясы «Роснефть» «Газпромның» мұнай өндіруші еншілес компаниясы «Газпром нефтьті» және тәуелсіз «Лукойл» компаниясын қосып алуы мүмкін. Үшеуі де АҚШ санкцияларына ұшырағанымен, бірігуіне еш кедергі болмайды. Сонымен бірге, Ресейге мұнай өндірісінің ауқымы бойынша Сауд Арабиясының Aramco компаниясынан кейінгі екінші орынды иеленуге мүмкіндік береді.

Біріктірілген компанияның жалпы өндірісі америкалық Exxon Mobil-ді басып озады, бұл Ресейге баға саясатын айқындауда, әсіресе Қытай мен Үндістан нарықтарында ықпалын күшейтуге мүмкіндік береді.

Үкімет пен компания өкілдері бірнеше ай бойы келіссөздер жүргізіп келеді, бірақ мәміленің болашағы әзірге белгісіз. Дегенмен, дереккөздер Путиннің бұл бастаманы ғаламдық қиындықтар алдында елдің экономикалық егемендігін нығайту жолы ретінде көретінін айтады. Алайда, жоспардың жүзеге асырылуы «Роснефть» және «Лукойл» ішінде қарсыластарға тап болуы мүмкін, сонымен қатар, «Лукойл» акционерлерінің үлестерін сатып алу қиындықтарына да әкелуі ықтимал.

Жаңа компанияның Дубайдағы «Лукойлдың» шетелдік сауда бөлімшесі арқылы сату операцияларын бір орталықтан ұйымдастыру арқылы көбірек пайда табуға мүмкіндігі болады. Бұған қоса, Ресей Украинадағы қақтығыс басталғаннан бері «Роснефть» экспорттық бақылауды күшейтіп, мұнай сату үшін жасырын арналар ұйымдастырған, алайда кейде төлемдерді алу қиындықтары болған.

Компаниялардың бірігуі Ресейдің энергетикалық және саяси құрылымында өзгерістерге әкеледі. Бұл бастаманың негізгі қатысушыларының бірі – «Роснефть» басшысы Игорь Сечин Путиннің ұзақ уақыттан бергі одақтасы және бірнеше шетелдік үкіметтің стратегиялық серіктесі.

Фото: ЖИ-мен жасалды