Монакода УЕФА Чемпиондар лигасының жалпы кезеңіне арналған жеребе тарту рәсімі өтті. Оны Златан Ибрагимович, Рикардо Кака және суперкомпьютер жүргізді, деп хабарлайды Malim.kz.
Алматылықтар өз алаңында «Реал Мадрид», «Брюгге», «Олимпиакос» және «Пафос» клубтарымен кездеседі. Қонақта «Қайрат» Лондонда «Арсеналға», Миланда «Интерге», Лиссабонда «Спортингке», Копенгагенде жергілікті «Копенгагенге» қарсы ойнайды.
Турнир кестесі 30 тамызға дейін жарияланады.
Жалпы кезең 2025 жылғы қыркүйектен 2026 жылғы қаңтарға дейін өтеді. Плей-офф кезеңі – 2026 жылғы ақпаннан мамырға дейін. Финалдық матч 30 мамырда Будапештте ұйымдастырылады.
Фото: "Қайрат" ФК
