Қазақстанда 1 қарашадағы жағдай бойынша 26 млн ұялы байланыс абоненті тіркелген, бұл өткен жылдың сәйкес кезеңімен салыстырғанда 3,6% көп, деп хабарлайды Malim.kz.
Ұлттық статистика бюросының мәлімдеуінше, абоненттердің жалпы санының 18,7 млн-ы интернетке қосылған, бір жылдағы өсім 4,8%.
Ұялы байланыс абоненттерінің тығыздығы 100 адамға шаққанда 129 бірлікті құрады, оның ішінде 93 абонент интернет желісіне қосылған, деп жазылған ресми мәлімдемеде.
2024 жылғы қаңтар-қазан аралығында ұялы байланыс саласында көрсетілген қызметтердің көлемі 191,3 млрд теңгені құраған. Бұл өткен жылдың сәйкес кезеңімен салыстырғанда 14,4% төмен.
Биылғы 10 ай ішіндегі жалпы байланыс саласындағы қызметтер көлемі 1,1 трлн теңгеге жеткен, оның ішінде 52,5% интернет қызметтеріне тиесілі.
Фото: pixabay.com
Байланысты жаналықтар
MalimBlocks
