Шөкеев Назарбаевты алдапты

Malim Админ

  • 06.10.2020

Бір апта бұрын ғана экс-президент Нұрсұлтан НАЗАРБАЕВ Түркістан қаласына барып, былтыр ғана жеке шыққан облыс орталығында салынған, пайдалануға берілген (!) бірқатар ғимараттарды аралаған.

Солардың ішіндегі ең негізгісі – Түркістан халықаралық әуежайы. Бұл әуежайдың ашылу салтанатын Назарбаевтың қатысқаны туралы оның баспасөз хатшысы Айдос ҮКІБАЙ хабарлаған.

"Нұрсұлтан Назарбаев Түркістан халықаралық әуежайының ашылу рәсіміне қатысты. Қаладан 20 шақырым жерде орналасқан әуежай заманауи технологияларды қолдана отырып, халықаралық стандарттарға сәйкес салынды», - деп сүйіншілеген Үкібай Twitter-де.

Бірақ, ашылу салтанаты болды деген сөзді не Үкібай түсінбей қалса керек, не Шөкеев күнде кеп жатқан жоқсыз ғой», деп, ырымдады ма екен, асығыстық танытқан сияқты. Ал негізінде әуежай әлі дайын емес. Жылына 3 млн-ға дейін адам қабылдай алатын әуежай Ыстамбулдан бастап, әлемнің бірнеше елінен турист тартатын әуежай келесі жылы пайдалануға беріледі. Сонда, Назарбаев қандай әуежайды ашып жүр? Шөкеев қандай әуежай көрсетіп жүр? Түркістанның уақытында пайдалануға берілген әуежайы қайда? Тағы да көзбояушылық па? Бұл туралы Facebook-та блогер Юлия Нечаева жазды.

«Бір апта бұрын ғана жаңа әуежайдың уақытында пайдалануға берілгенін, бәрі майдай екенін көрдіңіздер ғой. Біз де. Сосын біз жаңа портты көріп қайтайық дедік. Қызық емес пе! Навигаторға «Международный аэропорт Туркестан» деп енгіздік. Бір бағытты ойқы-шойқы жолға түскенде митыңдадық та қалдық. Бір айдаламен жүріп келеміз, бірақ, навигатор бізді ой-шұқыры көп жолмен жетеледі де отырды. Ақыры жеттік-ау әуежайға, бірақ, жаңасына емес, бірнеше жылдан бері жұмысы тоқтаған ескісіне. Ғимарат құлағалы тұр. Міне сізге «халықаралық әуежай», - деп жазады Нечаева.

Түркістан халықаралық әуежайы. Фото Юлия Нечеваның Facebook парақшасынан алынды.

Бұдан ары қарай жаңа әуежайды қалай іздеп тапқандарын айтады. «Адамдардан сұрап едік, «қайдағы жаңа әуежай» дегендей бетімізге аңтарыла қарады». Демек, көптеген тұрғындар экс-президент пен премьер-министр, әкім үшеуі жабылып, «ашылу салтанатын» өткізген әуежайдың қайда екенін әлі білмейді.

«Қысқасы, біз Түркістанның жаңа әуежайын тауып, барғанда, аяқталып тұрған уәделі әуежайды емес, құрылыс алаңын көрдік. Маңдайшасы ғана тұр. Екі жағы, айналасы шаңнан көрінбейді, құрылыс крандары, құрылысшылар. Гугл да ғасыр құрылысы – жаңа әуежайдың қайда екенін білмейді. Бірақ, әуежай уақытында пайдалануға берілді».

Өзі ашылу салтанатына қатысқан әуежайды Гугл-дан бастап тұрғындарға дейін әлі білмейтінін тұңғыш президент біле ме, жоқ па? Білсе де, білмесе де, Шөкеев сүйікті президентін алдады дегенге ауыз бармайды, не де болса, үстіне шаң қондырмай, кіре берістен қайтаруды жөн көрген сияқты.

Байланысты жаналықтар

Бұл сайлауда қандастар ғана жеңіске жетеді!

30.01.2023

Назарбаевқа қатысты ауқымды аудит жүргізіледі

13.01.2023

Назарбаев туралы заңның күші жойылды 

11.01.2023

Қаралы қаңтарға 1 жыл. Назарбаевтан бас тарту процесі немен аяқталады?

30.12.2022

Жердің бәрі - Ахметовтікі, Шөкеевтікі, Бақауовтікі

28.12.2022

Садақашыл қоғам мен уәдешіл үкіметтің бір жылы

28.12.2022
MalimBlocks
Бұл сайлауда қандастар ғана жеңіске жетеді!

Сонымен сайлауға үміткерді тіркеу басталып кетті! Ал мен күткен қандастар үнсіз («Республика» партиясының жетекшісінің бірі Сырымбет Тауды есепке алмаймын).

Назарбаевқа қатысты ауқымды аудит жүргізіледі

Саяси басымдықтары да болмайды

Назарбаев туралы заңның күші жойылды 

Қаулы қабылданған күннен бастап күшіне енеді

Қаралы қаңтарға 1 жыл. Назарбаевтан бас тарту процесі немен аяқталады?

Бұрынғы президентті құрбандыққа шалуы мүмкін

Жердің бәрі - Ахметовтікі, Шөкеевтікі, Бақауовтікі

Бүгін Мәжілісте депутат министрге сенімсіздік білдіріп, бірнеше шенеунікті ірі жер иеленуші ретінде атады.

Садақашыл қоғам мен уәдешіл үкіметтің бір жылы

Неге бұлай болды, неге адамдар өзіне қол жұмсайды, неге наразылыққа шыға береді, неге зейнет жасын төмендетуді сұрайды, неге жәрдемақыны көтеруді талап етеді деген зерттеулер жүргізілмейтін, тек әр оқиғаның салдарымен ғана күресетін және шамасы келгенше жылы жауып тастауға тырысатын мемлекетте тағы бір жылды өткіздік...