«Жыл бойы дайындалдық». ҰБТ тапсырушылардың эмоциялы сәттері жарияланды (ВИДЕО)
Биыл 180 мыңнан астам талапкер тапсырып жатыр
![](/images/article-img/1600/22616-1718435694-m.jpeg)
Астанада ҰБТ тапсырып шыққан талапкерлердің қуанышты сәттері әлеуметтік желіде жарияланды. Арасында 134 балға көңілі толмайтындарда бар, деп хабарлайды Malim.kz.
Талапкерлерді сыртта ата-аналарын күтіп алып, қуаныштарымен бөлісіп жатыр. Кейбірі шыққан бойда жоғары бал жиғанын алдымен анасына қоңырау соғып айтып жатыр.
Жалпы, халықтың жыл сайынғы демографиялық өсіміне байланысты биыл былтырғыға қарағанда 23 мың грант артық бөлінген. Алдағы оқу жылында талапкерлер 112 мың орынға таласады. Оның 79 мыңы бакалавриатқа тиесілі.
Ал ҰБТ-ның өзі 16 мамырда басталды. Биыл 180 мыңнан астам талапкер тапсырып жатыр. Олар оқу сауаттылығы, математикалық сауаттылық, Қазақстан тарихы және екі таңдау пәні бойынша сынақтан өтеді.
ҰБТ 5 шілдеге дейін, ал ТЖ режимі жарияланған 6 өңір үшін (Ақмола, Ақтөбе, Атырау, Батыс Қазақстан, Қостанай, Солтүстік Қазақстан облыстары) 12 шілдеге дейін жалғасады.
Фото: Almaty.tv