Димаш Құдайберген Сербияда танымал түркиялық диджей Бурак Йетермен бірге өнер көрсетті. Бұл видеоны Халық әртісі өзінің әлеуметтік желідегі парақшасында жариялады, деп хабарлайды Malim.kz.
Димаш Сербияда музыкалық фестивальде өнер көрсетті. Оның қасында диджей әрі продюсер Бурак Йетер болған. Өнер иесі «Weekend» деп аталатын екеуінің ортақ туындысын орындап, көпшіліктің қошеметіне бөленді.
Қазақстандық әртісті сахнаға шақырарда, Йетер оны «әлемнің үздік дауысы» деп атады.
Рахмет, Сербия! Керемет түн болды, - деп жазды Димаш.
Әншінің тыңдарманы да оның өнеріне тәнті болғанын жарыса жазуда.
«Бұл ән көңіл күйді көтереді екен. Оның үстіне әнді мұндай сыбатты жігіт орындаса», «Димаш, сен үшін қуаныштымын», «Біз ұйықтамай сіздің өнеріңізді күттік», «Бәрі керемет болды», «Сен - ғажапсың», - деп жазды оқырман.
Фото: instagram.com/kudaibergenov.dimash
Байланысты жаналықтар
MalimBlocks
