Англиядан келген Айгүл Иманбаеваны әуежайда ұлттық аспен күтіп алды
Әнші шетелдегі оқуын тәмамдап, елге оралды.
Танымал әнші, актриса Айгүл Иманбаева Лондонда «Болашақ» бағдарламасымен оқып, елге оралды. Актрисаны әуежайдан шәкірттері мен әріптестері тосынсый жасап күтіп алды, деп хабарлайды Malim.kz.
Әншіні өнер академиясындағы әріптестері мен шәкірттері ерекше құрметпен қарсы алды. Олар әуежайдан шықпастан бұрын қазы, бауырсақ, қымыз ұсынып, ұлттық асты сағынған өнер иесіне құрмет көрсетті. Одан кейін әуежай сыртында пранк жасап, көлікке отырғызды.
Айгүл Иманбаеваның тыңдармандары мен оқырмандары пікір жазып, жылы лебіздерін білдірді.
«Қандай әсерлі, ұжымыңыздың ауызбіршілігі нығая берсін», «Сыйластық деген осындай болады», «Аяғын жерге тигізбей, көтеріп алды», «Әдемі қарсы алыпсыздар», «Өзім Америкадан келгендей болдым ғой», – деп жазды пікір қалдырушылар.
Айта кетейік, белгілі қоғам белсендісі, журналист Гүлбану Әбенова әншінің шетелде халықтың ақшасына оқығанын сынап, жазба қалдырған еді.
Фото: Видеодан скрин
MalimBlocks
