Оқушылар бірінші тоқсанда мектепке бармайды...Студенттер ше?

Malim Админ

  • 14.07.2020

Бүгін өткен үкімет отырысында Денсаулық сақтау министрі Алексей Цой жаңа оқу маусымын қашықтан оқытуды сұрады.  Министрдің айтуынша, қазіргі кезде елімізде коронавирус инфекциясын 60 мыңнан астам тұрғын жұқтырған, оның 1700 балалар.

«Карантин кезінде топталып жүрмегендіктен инфекция жұғу азайды. Мектептерде оқытуды бастау балалар арасында індеттің таралуына, мектептен тыс жерде ауру жұқтыруына және жалпы қоғамда дерт тарауына алып келуі мүмкін»,– деді министр.

Алексей Цойдың сөзіне қарағанда жыл сайын тұмауға шалдығатындардың 70 пайызы 14 жасқа дейінгі балалар. Тұмаудың маусымдық өсімін және коронавирус өршіп тұрған  эпидемиологиялық  жағдайды ескерсек, барлық орта білім беру мекемелерінде бірінші тоқсанды қашықтан оқытқан дұрыс. Шағын мектептерде ғана сабақты әдеттегіндей бере беруге болады, - деді министр.

Үкімет отырысынан кейін онлайн брифинг берген Білім министрі Асхат Аймағамбетов Денсаулық сақтау министрлігінің ұсынысы қабылданғанын хабарлады.

«Балалардың, ата-аналардың, мұғалімдердің ауру жұқтыру мүмкіндігін ескеріп, осы жылдың 1-қыркүйегінен, яғни, жаңа оқу маусымының бірінші тоқсанын қашықтан оқытуды жөн көрдік. Ауылдағы шағын мектептен басқа барлық мектептерде білім қашықтан беріледі» деді Асхат Аймағамбетов.

Министр  қашықтықтан оқыту жүйесіндегі 4 тоқсанда кеткен кемшіліктер ескеріліп, жөнге келтірілетінін де атап өтті.

Сондай-ақ, бастауыш сыныптардың ата-аналары қауіпке қарамай, өтініш жазатын болса, кезекші сыныптар ашылатынын мәлімдеді. Кезекші сыныптарда балаларға жазу, сызу, оқыту үйретілмек.

Ал колледждер мен жоғарғы білім орталықтарында оқыту негізінен қашықтықтан жүрмек. Алайда, жеке кесте бойынша зертханалық жұмыстар, өндірістік оқыту және кәсіби практика үшін дәстүрлі білім беру жүйесімен білім бере алады.

Байланысты жаналықтар

Қазақстанның ғалым шенеуніктері

23.07.2020

Министр Цой дәрігер реабилитологтың видеосына пікір білдірді

05.07.2020

Цой неліктен вакцина салдырмағанын түсіндірді

03.01.2021

"Цой бізден қашып жүр". Тілшілер Қожахметовтің мазасын алды

11.09.2020

Асхат Аймағамбетов оқу орындарын не үшін жауып жатыр?

18.02.2021

Кім өтірікші: Цой ма, Қожахметов пе?

04.09.2020
MalimBlocks
Қазақстанның ғалым шенеуніктері

Министр Цой дәрігер реабилитологтың видеосына пікір білдірді

Цой неліктен вакцина салдырмағанын түсіндірді

"Цой бізден қашып жүр". Тілшілер Қожахметовтің мазасын алды

Асхат Аймағамбетов оқу орындарын не үшін жауып жатыр?

Кім өтірікші: Цой ма, Қожахметов пе?