Бүгінгі күнге дейін Шымкентте 130 мыңнан астам адам коронавирусқа қарсы вакцина салдырған. Және коронавирусқа қарсы екпе алатындардың қатары соңғы күндері арта түскен. Шымкент қалалық әкімдігінің мәліметінше, егу науқаны басталғалы шаһарда барлығы 130 мың 140 адам вакцинацияланған. Өткен тәулікте қалада 11 мың 218 адам вакцина алған, оның 5983-і I компонент, 5235-і II компонент . Қазіргі таңда мамандандырылған инфекциялық стационарларда барлығы 1 406 орын бар екен. Төсек-орын толымдығы – 51 пайыз, 683 төсек-орын бос.
Қала аумағында санитарлық-эпидемиологиялық талаптардың сақталуы бойынша 24 мобильдік топ жұмыс атқарып жатыр. 4 мамыр күні 270 нысанға (266 кәсіпкерлік нысан, 4 жеке нысан) тексеру жүргізілген. Нәтижесінде 8 нысанға карантин режимі талаптарын бұзығандарыүшін әкімшілік хаттамалар толтырылған.
Ал дәрігерлер тұрғындарға медмасқа тағып, әлеуметтік арақашықтық сақтап, өз денсаулықтарына жауапкершілікпен қарауға шақырып жатыр. Індетті жеңудің бірден-бір жолы – вакцина егу екенін айтады.
Вакцина егу жұмыстарын ұйымдастыру ісінде өткен аптадан бастап Шымкентте егу пунктерінің жұмысы түнгі 24:00-ге дейін ұзартылған.
Қала бойынша 45 екпе егу пункті ашылған.
Байланысты жаналықтар
MalimBlocks
