Енді онкология мен туберкулезді ерте анықтаған дәрігерлерге сыйақы төленеді
Науқасқа онкологиялық ауру немесе туберкулез белгілері диагнозы қойылған кезде учаскелік дәрігерлер 18 460 теңге мөлшерінде қосымша төлем алатын болады
Осы жылдан бастап қазақстандық дәрігерлер қауіпті ауру анықтаған әрбір жағдайы үшін сыйақы алатын болады, деп хабарлайды Malim.kz 31 арнаға сілтеме жасап.
Науқасқа онкологиялық ауру немесе туберкулез белгілері диагнозы қойылған кезде учаскелік дәрігерлер 18 460 теңге мөлшерінде қосымша төлем алатын болады.
Жоба медицина қызметкерлерінің өнімділігін арттыру мақсатында іске асырылуда.
Төлемдерді есептеу ақпараттық жүйеде автоматты түрде жүргізіледі. Еңбекке ақы төлеу балдық және бонустық жүйе бойынша жүзеге асырылады.
Мысалы дәрігерлер қатерлі ісік немесе туберкулез диагнозын анықтаған әрбір жағдайы үшін 5 АЕК бонус алады. Егер анықталған аурулардың саны 100 баллға жетсе, әрқайсысы үшін 4,5 АЕК (16 614 теңге) есептеледі.
Ашық деректерге сәйкес, Қазақстанда жыл сайын 40 мыңға жуық адам қатерлі ісікке шалдығады, 200-ден астам адам туберкулезбен ауырады.
Дәрігерлер мұны адамдардың уақытында медициналық көмекке жүгінбеуімен байланыстырады. Сондықтан олар уақытында тексеріліп, скринингтен өтуді ұсынады.
Фото: proforientator.ru
