«Мәселе комиссия ақысына салық салуға қатысты». Банк аударымдарына салық салу бойынша түсініктеме берілді

Азаматтардың банктік аударымдарына қосылған құн салығына салық салу туралы ақпараттың таралуына байланысты Ұлттық экономика министрлігі мәлімдеме жасады, деп хабарлайды Malim.kz.

Министрлік мәлімдеуінше, әңгіме банктердің өз қызметтері үшін клиенттерден алатын комиссияларға салық салу (ҚҚС) жөнінде болып отыр. Мысалы, картаны шығару үшін немесе аударымдар үшін банк алатын комиссиялар алу.

Жаңа Салық кодексінің жобасында екінші деңгейдегі банктердің қаржылық операцияларына қолданыстағы жеңілдікті жою жөніндегі норма ұсынылады. Азаматтар жүзеге асыратын аударымдардың өзіне салық салынбайды. Егер бір банктің ішіндегі ақша аударымдары комиссиясыз жүзеге асырылса, тиісінше мұндай жағдайларда салық салынбайды, деп жазылған министрлік мәлімдемесінде.

Жаңа Салық кодексінің жобасы әзірге талқылау сатысында. Ұсынылған нормаларды Парламент, бизнес-қоғамдастық және жұртшылық талқылап жатыр. Кодекстің соңғы жобасы 2025 жылы қабылданады.

Фото: pexels.com