Шымкент қаласы Жер ресурстарын басқару департаменті ЖШС-ға қатысты жоспардан тыс тексеру жүргізген. Нәтижесінде өндірістік базаны теміржол тұйығымен бірге жобалау мен құрылысын салу үшін арналған жалпы ауданы 0,3155 га жер телімі ұзақ мерзім бойы пайдаланылмай жатқаны анықталған, деп хабарлайды Malim.kz.
Департамент тарапынан ЖШС-ға жер заңнамасы талаптарының тәртіпбұзушылықтарын жою туралы бір жыл мерзімде орындалуы тиіс нұсқама жолданған. Нұсқама талаптары орындалмауына байланысты Департаменттің жер телімін мемлекет меншігіне мәжбүрлеп алып қою туралы сотқа талап арызы берілген. Соттың 2024 жылғы 25 шілдедегі шешімімен талап арыз толығымен қанағаттандырылған.
Фото: Жер ресурстарын басқару комитеті
