Атырауда ер адам егіз баласын зорлады деген күдікке ілінді

Атырауда ер адам егіздерге жыныстық зорлық-зомбылық жасады деген күдікке ілінген, деп хабарлайды Malim.kz.

Атырау облыстық полиция департаментінің баспасөз қызметі іске қатысты қосымша сараптама тағайындалғанын мәлімдеді.

"Не Молчи" қорының мүшесі балалардың анасы "ол күндері ештеңе байқамадым" деп куәлік еткенін айтты.

Әйел 43 жасында ЭКҰ арқылы бір ұл және бір қызды дүниеге әкелген. Ол балалардың өз әкесі сексуалдық зорлық-зомбылық жасағанын хабарлады.

Бұл менің кінәм екенін білемін. Бірақ қылмыскердің жазаланғанын қалаймын, – дейді әйел.

"Мой город" сайтының мәліметінше, балалардың қорқып қалғанын бірінші болып балабақшадағылар байқаған.

Балалар бір-бірін қалдырмай, қолдарын мықтап ұстап алады екен. Бәрінен қорқып, түсініксіз суреттер сала бастаған. Психологиялық сараптама балалардың қиялға бейім еместігі туралы қорытынды жасаған.

Қордың белсенділері Атырау облысының прокуратурасы мен полиция департаментінің басшылығына істі жан-жақты тексеруді талап етіп, шағым түсірді. Құқық қорғаушылар ер адам басқа балаларды да зорлауы мүмкін деп қауіптенеді.

Қазіргі уақытта қосымша кешенді сот-медициналық сараптама тағайындалды. Нәтижеге сәйкес құқықтық шешім қабылданады, –делінген полиция департаментінің баспасөз хабарламасында.

Сайтта Алматы облысында өз қыздарын зорлады деп айыпталған ер адамның қылмыстық ісі бойынша сот басталғаны туралы да жазылды. 

Еске салайық, 2023 жылы көктемде Алматы облысында екі қыз әкесінің 10 жыл бойы зорлап келгенін айтып, шағымданған. Осыдан соң ер адам қамауға алынды. Жәбірленген қыздардың мүддесін заңгер Айман Омарова қорғайды.

Фото: vestikavkaza.ru