«Несиеңізді қайтарыңыз!». Коллекторлардың демалыс күні қоңырау шалуы заңды ма?
Қаржы нарығын реттеу және дамыту агенттігінің төрайымы Мәдина Әбілқасымова елді алаңдатқан мәселеге байланысты жауап берді
Коллекторлардың несие алған азаматтарға демалыс күндері хабарласуы заңдық тұрғыда дұрыс па? Қаржы нарығын реттеу және дамыту агенттігінің төрайымы Мәдина Әбілқасымова елді алаңдатқан мәселеге байланысты жауап берді деп хабарлайды Malim.kz.
«Коллекторлардың кредиті бар азаматтарға демалыс күні қоңырау шалуына мүмкіндігі жоқ. Заң бойынша олай әрекет етуге болмайды. Ал жұмыс аптасында олар күнінен үш рет қана хабарласа алады. Аудио, видео фиксация жасау керек. Егер демалыс күндері мазалап жатса ол мәліметті бізге беруіңіз қажет», - Мәдина Әбілқасымова.
Сондай-ақ, ол ереже бұзған коллекторларға қандай шара қолданылатынын айтты.
«Қызметін тоқтауға дейінгі шаралар қолданылады. Әуелі айыппұл жазылады. Одан кейін қызметі толық тоқтатылады», - деді агенттік басшысы.
Фото: halyq-uni.kz
