Жамбыл облысында көлік жолаушысы 12 келі есірткімен ұсталды
Тәркіленген есірткі заттарының қара нарықтағы құны - 7 млн теңге
Жамбыл облысында көлік жолаушысынан 12 келіден астам есірткі тәркіленді.
Polisia.kz ақпараты бойынша, «Қарасора – 2024» жедел алдын алу іс-шарасы аясында жедел ақпаратты жүзеге асыру барысында есірткі қылмысына қарсы іс-қимыл басқармасының қызметкерлері «Алматы–Қарағанды» автожолының 430-шақырымында Toyota Sienna автокөлігін тоқтатты. Қызметтік иттің көмегімен автокөлікті тексеру кезінде жүк салғыштан көліктегі жолаушыға тиесілі жасыл түсті өсімдік заты бар екі сөмке табылды.
Табылған заттардың салмағы 12 келі гашиш және 170 грамм каннабис (20 мың доза) шайыры екені анықталды. Олардың қара нарықтағы құны 7 млн теңгеге жуықтайды.
Күдікті кінәсін мойындап, Шу аудандық полиция бөлімінің уақытша ұстау изоляторына қамауға алынды.
Қазір ҚР Қылмыстық кодексінің 296-бабы 4-бөлігі және 297-бабының 3-бөлігі (Есірткі, психотроптық заттармен, сол тектестермен өткізу мақсатынсыз заңсыз жұмыс істеу) бойынша сотқа дейінгі тергеп-тексеру амалдары жүргізіліп жатыр.
Фото: Polisia.kz
