Алматы облысында құрғақ шөп пен қамыс өртеніп жатыр
Сәуірдің 21-күні кешкілік Алматы облысы, Балқаш ауданы, Іле-Балқаш мемлекеттік табиғи резерваты аумағында қураған шөп пен қамыс өрті тұтанған.
ТЖМ хабарлауынша, өрттің болжамды аумағы – 18 гектарды құрайды. Ал іргедегі ауыл-аймаққа қауіп жоқ.
Қазірге дейін өрт шыққан аймаққа тікұшақтар 53 мәрте барып, 159 тонна су шашқан.
ТЖМ «Қиын батпақты жерлер және бағытын үнемі өзгертіп отырған қатты жел өрт ошақтарын сөндіруге қиындық туғызып жатыр», - дейді.
Фото: ТЖМ
