Павлодар облысында кеме капитаны суға батып кетті
Іздестіру жұмыстарын су деңгейі көтерілуі, қатты жел мен өзен ағыны қиындатып отыр.
Павлодар облысында кеме капитаны суға батып кетті, деп хабарлайды Malim.kz.
8 мамырда сағат 23.25-те Павлодар облысы ТЖД-ға Аққулы ауданының Шабар ауылы маңындағы Ертіс өзенінде кеме капитаны суға батып кетті деген хабар түскен.
9 мамырда оқиға орнына 4 сүңгуір жіберілді. Бір тәулікте жұмыс нәтиже бермеді. Іздестіру жұмыстарын су деңгейі көтерілуі, қатты жел мен өзен ағыны қиындатып отыр, - деп хабарлады өңірдің ТЖД.
Ведомство мәліметінше, іздеу жұмыстары жалғасып жатыр.
Фото: «Қазақстан Су-Жолдары» РМКК
