Бір адамды тергеу изоляторында ұстауға кететін шығын айына шамамен 750 000 теңге. Тергеу мен сот процесстерінің орташа уақыты 3 айдан 6 айға дейін созылады деп есептесек, онда адамды бір іс бойынша қамауда ұстау мемлекетке 6 миллион теңгеге дейін шығын келтіреді, деп хабарлайды Malim.kz.
Жоғарғы соттың ресми сайтында хабарланғандай, қазір үй қамақтағы күдіктілерге электронды білезік қолдану тәжірибесі көбейіп келеді. Мәселен, 2021 жылы 2 адам, 2022 жылы 19 адам, 2023 жылы 32 адам, 2024 жылдың 4 айында 6 адам үй қамаққа жіберіліп, электронды білезік тағып жүргені хабарланып отыр.
Күдікті білезікті шешкісі келсе, дереу тергеу органына сигнал түседі. Білезіктің қуаты 11 айға дейін жетеді, ал бір білезіктің құны шамамен 1 млн теңгені құрайды. Бүгінде бір адамды қамауда ұстауға арналған шығын айына шамамен 750 000 теңгені құрайды, яғни 2 айдағы шығын бір электрондық білезіктің құнына тең. Бұл ретте тергеу мен сот процестерінің орташа уақыты 3 айдан 6 айға дейін созылады және адамды бір іс бойынша қамауда ұстау мемлекетке 6 миллион теңгеге дейін шығын келтіретінін атап өткен жөн, - деп хабарлады соттан.
Фото: интернеттен
