Қазақстанда қай қала тұрғындары жиі ажырасады?

2023 жылы Қазақстанда 120 900 жұп отбасы құрған, былтырғы жылмен салыстырғанда 6%-ға аз. ranking.kz мәліметінше, бұл көрсеткіш рекордтық деңгейде төмен. Тіпті 2008 жылы халық саны 16 миллионға жетпесе де, ресми түрде 135 мыңнан астам жұп неке қиған болатын.

Былтыр қалаларда тіркелген неке саны 6,4%-ға, 80 мыңға дейін болса, ауылдарда – 5,1%-ға, 40,9 мыңға дейін азайған.

Ажырасу саны да Қазақстан үшін рекордтық төмен көрсеткішке жеткен: былтыр 16,8 мың жұп ажырасқан, 2022 жылға қарағанда 5,3%-ға аз.

Сондай-ақ, қалаларда ажырасу саны бір жылда 5,2%-ға, 12,4 мыңға дейін, ауылдарда – 5,5%-ға, 4,4 мың жұпқа дейін азайған.

Өңірлер бойынша отбасы құрғандар саны жөнінен Алматы алда тұр: 2023 жылы 13,1 мың жұп некелесті және бұл 2022 жылға қарағанда 4%-ға аз. Одан кейінгі орында – Түркістан облысы (11,8 мың) және Астана (10,4 мың). Ең аз көрсеткіш Ұлытау облысында тіркелген – 1,5 мың жұп.

Ажырасу жөнінен де Алматы бірінші орында: 2023 жылы – 2,3 мың, 2022 бір жылға қарағанда 2,1%-ға аз. Одан кейінгі орында – Қарағанды ​​облысы (1,5 мың) мен Астана (1,5 мың). Ең аз ажырасу да Ұлытау облысында тіркелді – небәрі 198.

2024 жылдың 4 наурызында жаңартылған Petrelli Previtera мәліметі бойынша, Қазақстан ажырасу көрсеткіші бойынша дүние жүзінде Мальдив аралдарынан кейінгі екінші орында тұр.  Яғни 1000 адамға шаққанда 4,6 болды.

Сарапшылардың айтуынша, еліміздегі ажырасудың негізгі себебі - туыстардың араласуы (61%), моральдық шектеулердің жоқтығы (41%) және ажырасу процесінің жеңілдігі (25%).

ФОТО: ИНТЕРНЕТТЕН