Жедел жәрдем шақырғаннан мемлекеттік тіл тірілмейді

Malim Админ

  • 26.11.2020

Бір шенеунікті жұмыстан қуғаннан Павлодарда мемлекеттік тіл мәселесі шешілмейді.

Павлодар қаласы әкімі апаратының басшысы Қайыржан ОҢҒАРОВ тіл жанашыры, қоғамдық белсенді Руза БЕЙСЕНБАЙТЕГІГЕ психикалық аурухана жедел жәрдемін шақырғаны үшін қызметінен кетті. Бұл туралы бүгін брифингте облыс басшысы Әбілқайыр СҚАҚОВ мәлімдеді.

Қоғамдық белсенді осы жылдың 29 тамыз күні әкімдікке қаладағы қазақ тілді мектептердің саны аздығын айтып келген. Сондай-ақ, жергілікті медициналық коледжге қазақ топтарын ашу туралы ұсынысын айтқан болатын. Алайда, шенеунік жедел жәрдем шақырып тіл жанашырынан құтылмақшы болыпты.

«Мемлекеттік тіл мәселесі өзекті. Әкімдіктің отырысында біз ол жайлы талқыладық. Руза Бейсенбайтегі бізге өтінішпен келді, бейбіт митингке рұқсат сұрап. Біз рұқсат бердік. Кездесу өтті. Біз барлық ұсыныстарды қабылдадық. Сындарын естідік. Конструктивті дүниелер де айтылды. Қазір мемлекеттік қызметкерлер бұл мәселені қолға алды. Және бұл менің жеке бақылауымда. Әкім апаратының жетекшісі Қайыржан Оңғаров қызметінен кетті», - деді облыс басшысы  Әбілқайыр Сқақов. 

Тіл жанашыры Руза Бейсенбайтегі бір шенеуніктің отставкаға кетуімен Павлодарда мемлекеттік тіл мәселесі шешілмейді дейді МӘЛІМ КЗ сайтының тілшісіне.

«Осы уақытқа дейін жергілікті билік өкілдеріне сегіз келі хат жазыппын. Ол жерде қоғамдық көлік, сауда орталықтары, банктер, мемлекеттік мекемелер т.б жерлерде неге қазақ тілінде қызмет көрсетілмейтіні жайлы айтылған. Заңға сәйкес қызмет екі тілде көрсетілуі керек. Мен тек заңның орындалғанын талап етіп отырмын. Біз құқықтық мемлекет емеспіз бе? Заңның бұзылмауына әкімдіктегілер де мүделі болуы керек қой. Мен Оңғаровқа осы мәселелерді айттым. Ал ол полицияны шақырды, сосын жедел жәрдемді шақырды. Оңғаровты жұмыстан алып мені тоқтатамын деп ойлайтын шығар. Бірақ мен өз конституциялық құқығымды талап ете беремін. Түптеп келгенде Оңғаровпен жеке бас араздығым жоқ. Оны қызметтен алғаннан мемлекеттік тіл мәселесі шешіле қоймайды», - дейді қоғамдық белсенді Руза Бейсенбайтегі. 

Фото: elarna.net

Байланысты жаналықтар

Еститін мемлекетте Көлгінов неге естімейді?

07.09.2020

Балаға аяушылықпен емес, махаббатпен қарау керек

14.12.2021

Жұмабай Шаштайұлы: «Ескіруді ескермейтін ұлтқа айналып барамыз»

08.10.2020

Сарапшы қымбатшылықты тоқтатудың жолын нұсқады

06.10.2021

Жаңа мамандық. Моушн-дизайнер деген кім?

08.06.2022

Ермахан Ыбрайымов: Мен титушка емеспін

11.01.2021
MalimBlocks
Еститін мемлекетте Көлгінов неге естімейді?

Балаға аяушылықпен емес, махаббатпен қарау керек

Қазақстанда соңғы жылдары инклюзивті білім беруге қатты көңіл бөліне бастады. UMC Балаларды оңалту ұлттық орталығы жанындағы мектеп мұғалімі Гүлдана Нұрлыханмен ерекше балаларды оқытудағы қиындықтар мен оларды жеңу жолдары жайлы сөйлестік.

Жұмабай Шаштайұлы: «Ескіруді ескермейтін ұлтқа айналып барамыз»

Сарапшы қымбатшылықты тоқтатудың жолын нұсқады

Жаңа мамандық. Моушн-дизайнер деген кім?

Malim Media апта сайын сіздерді алдағы бірнеше жылда нарықта сұранысқа ие болатын мамандықтармен таныстыруды жалғастырады. Бүгін моушн-дизайнер Бейбарыс Бақтаевпен тілдестік.

Ермахан Ыбрайымов: Мен титушка емеспін