Журналистер одағы Павел Дуровтың ұсталуына қатысты мәлімдеме жасады

Қазақстан Журналистер одағы Франция билігін Павел Дуровтың негізгі құқықтары мен бостандығының сақталуын қамтамасыз етуге және аталмыш іс бойынша объективті тексеріс жүргізуге шақырады, деп хабарлайды Malim.kz.

Журналистер одағының мәлімдеуінше, Telegram-ның негізін қалаушы Павел Дуровтың ұсталуы еркіндік, демократия және сөз бостандығы қағидалары үшін күресетіндердің барлығының алаңдаушылығын тудырды.

Интернет-сайттардың бұғатталуы жиі кездесетін бірқатар елде ресми түрде тіркелген тәуелсіз демократиялық БАҚ-тың үнемі кедергілерге тап болатынын немесе мүлдем жабылып тынатынын айтар болсақ, Павел Дуров негізін қалаған Telegram қазіргі таңда қоғамға объективті және цензурасыз сенімді ақпарат таратудың жалғыз көзі болып табылатынын ескеру маңызды, деп жазылған мәлімдемеде.

Еске салайық, 2018 жылы Павел Дуров өзінің цензураға қарсы түбегейлі ұстанымы үшін Қазақстан Журналистер одағының сыйлығының лауреаты атанды, сондықтан оның ұсталуы демократиясы әлсіз дамушы елдердегі сөз бостандығы мен адам құқықтарына кері әсер етуі мүмкін. 

Франция тарихи түрде бүкіл әлем үшін демократияның берік негізі және жетекшісі болып табылады,  сондықтан Қазақстан Журналистер одағы демократия қағидасына жауап беретін әділ шешім шығаратындай тергеу амалдары объективті түрде жүргізіледі деген үмітте.

Фото: instagram/durov