«Аманат» комиссиясы тергеу изоляторындағы 85 адамның босап шығуына көмектесті. Бұл жайлы комиссия төрағасы Абзал Құспан мәлімдеді. Адвокат БАҚ өкілдеріне арналған брифингте:
«Аманат» комиссиясы менің бастамаммен 22 қаңтарда құрылды. Мемлекеттік хатшы Ерлан Қаринмен кездесіп, Бас прокуратурамен бірлесе жұмыс істеу мүмкіндігіне ие болдық. Комиссияның өзгелерден айырмашылығы ретінде біз екі өкілеттікке ие болғанымызды айта аламыз. Бірі - тергеу изоляторларына кіріп, олардың жатқан жағдайын тексеру. Екіншісі - азаматтарға қылмыстық іс материалдармен танысу»,- деді.
Құспанның айтуынша, комиссия еліміздің 6 өңірінде жұмыс істеп жатыр. Нәтижесінде Алматыда - 68 адам, Алматы облысында - 9 адам, Шымкентте 8 адамды қамауда ұстау бұлтартпау шарасы өзгертілігіп, олар ботандыққа шықты. Сонымен қатар, Шығыс Қазақстан облысы мен Өскемен қаласында 24 адам, Шымкентте тағы 5 адам босатылатын болады.
«Әр адаммен кездесіп, материалдарды қарау өте көп уақыт алады», - дейді Абзал Құспан.
Байланысты жаналықтар
MalimBlocks
