Ақаев: Ел басшылары уақыт ағымына ілесе алмаса, халық наразылыққа шығады
«Меніңше, кез келген халық, кез келген ұлт уақыт өте дамудың жаңа сатысына өтуге талпынады. Бұл – табиғи процесс. Егер ел басшылары алдын ала алса, кейде әлеуметтік наразылықтарсыз да жүзеге асады. Ел басшылары уақыт ағымына ілесе алмаса, халық наразылыққа шығады. Менің ойымша, осы оқиға референдумға жеткізді, референдум арқылы Қазақстан халқы гүлденген, әділетті, күшті екінші республика құру жөнінде биік мақсат қойды»,- деді Ақаев.
Естеріңізге сала кетейік, 1990-2005 жылдары Қырғызстан президенті болған Асқар Ақаев 2005 жылы 24 наурыздағы "Қызғалдақ төңкерісі" кезінде биліктен кетіп, Мәскеуден саяси баспана алған. Кейін бұл әрекетін "Өз халқыма оқ атпау – басты ұстанымым" деп түсіндірген.
2020 жылы Хабар арнасына берген сұхбатында Қазақстанның бұрынғы президент Нұрсұлтан Назарбаев Асқар Ақаевты құтқару үшін 2005 жылы Қырғызстанға арнайы тікұшақ жібергенін айтқан еді. Ақаевтан кейінгі қырғыз президенті Құрманбек Бакиевті де көтеріліс кезінде елінен Назарбаев алып шыққан.
Айта кетейік, Асқар Ақаевтың ұлы Айдар мен Нұрсұлтан Назарбаевтың қызы Әлия үйленіп, 4 жылға жуық уақыт отбасы болған.
Самое читаемое
