Ақ үй әкімшілігі Қазақстан, Өзбекстан және Тәжікстаннан АҚШ әскеріне көмектескен тоғыз мың Ауғанстан азаматын қабылдауды өтінді. Бұл жөнінде Bloomberg басылымы хабарлады.
«Байден әкімшілігі Орталық Азиядағы үш мемлекеттен АҚШ пен НАТО әскері Ауғанстан аумағынан шығарылғаннан кейін Талибан нысанасына іліккен мыңдаған ауғандықты уақытша қабылдауды өтінді», - делінген басылым таратқан мәлімдемеде.
Bloomberg мәліметінше, АҚШ бұндай өтінішті Ауғанстандағы Баграм әуе базасын тастап шыққанан кейін жасаған. Себебі Баграм базасын Ауғанстан ұлттық қорғаныс және қауіпсіздік күштеріне табыстау АҚШ әскерінің ауған жерінен толықтай кетуін білдіреді.
Бұған дейін АҚШ Ауғанстан аумағындағы әскерін 11 қыркүйекке дейін шығаратынын, ел аумағында дипломаттардың қауіпсіздігін қамтамасыз ететін 650 сарбаз ғана қалатынын мәлімдеген. Бірақ бұл процесс жоспарлағаннан әлде қайда жылдам жүзеге асырылған.
MalimBlocks
