АҚШ Украинаға 61 миллиард доллар көмек беретін болды
АҚШ өкілдер палатасы Укрианаға көмек беруді бірнеше ай талқылап, ақыры мақұлдады. Көмек сомасы 61 миллиард долларды құрайды.
Заң жобасын 311 адам қолдаса, 112 адам қарсы дауыс берген. Жоспар бойынша, бұл қаражатқа Ресеймен соғысып жатқан Укрианаға қару-жарақ пен өзге де қолдау көрсетілмек.
Укриана президенті Владимир Зеленский АҚШ өкілдер палатасының бұл шешіміне разылық білдіріп, оны «мыңдаған адамды ажал аузынан аман алып қалатынын» мәлімдеген.
BBC агенттігінің хабарлауынша, Заң жобасын 210 Демократиялық және 101 Республикалық партия өкілі қолдаған.
Айта кетейік, Заң жобасы алдымен АҚШ сенатынан өтуі тиіс. Одан соң құжатқа президент Джо Байден қол қойғаннан кейін ғана күшіне енеді.
Фото: Уикипедия
