"Бекетаев, тәуелсіз заңгерлерден қолыңды тарт"

Malim Админ

  • 23.02.2021

Алматыда құқық қорғаушы Амангелді Шорманбаев жалғыз адамдық пикет өткізді.

«Халықаралық құқықтық бастама» қорының жетекшісі Амангелді Шорманбаев Алматы қалалық әділет департаменті ғимаратының алдында рұқсат етілген жалғыз адамдық пикетке шықты. Ол сенатта қаралып жатқан «Адвокат қызметі және заңгерлік көмек» туралы заңға енгізілетін өзгерістер мен толықтыруларды алып тастауды талап етті. Шорманбаевтың сөзінше, заңгерлер мен адвокаттардың қызметін реттеуге бағытталған түзетулер оларды мемлекетке бағынышты етеді.

«Заң жобасы бойынша жоғары құрылым – республикалық адвокаттар алқасы мен заң жөнінде кеңесшілердің республикалық палатасы құрылады. Біздің ойымызша, бұл құрылымдар төмендегі адвокаттық кеңселер мен адвокаттар және заңгерлер палатасын тәуелсіздіктен толық айыруды көздейді. Олар нені ұсынады? «Адвокат және заң қызметін жетілдіреміз» деген желеумен түрлі жарна енгізіп, қандай да бір ақпарат жүйелерін, деректер қорын тықпалап жатыр, оны пайдаланып, сол үшін ақша төлеу де міндетті болады», - деді құқық қорғаушы.

Шорманбаев сөзінше, билік 30 жылдан бері тәуелсіз салаларды мемлекеттендіру процесі жүруде. Енді ол тәуелсіз адвокаттар саласына да келген.

«Мемлекет әділет саласын мемлекеттендірмек. Ұзақ уақыт бойы заңгерлер мен адвокаттар тәуелсіз болып келді. Көптеген адамдар заңгерлер тәуелсіз болғанның арқасында көмек алды. Әділет министрлігі бірнеше жылдан бері «заңгерлер мен адвокаттардың жұмысын реттеуді» желеу етіп, тәуелсіз адвокаттықтың көзін жоюда. Заңгерлерді мемлекетке бағынышты етумен айналысуда... Қандай да бір тәуелсіз саланы мемлекеттендіру процесі 30 жылдан бері жалғасып келеді», - деді Шорманбаев.

Бұдан бөлек, Амангелді Шорманбаев заңгерлердің заң жобасын кері қайтару үшін күш салатынын айтып, президент пен парламент сенатына, БҰҰ-ның құқық қорғаушыларды қорғау, заңгерлерді қорғау және т.б арнайы үндеу жолдайтындарын мәлімдеді.

Байланысты жаналықтар

Бұрынғы әділет министрі Марат Бекетаевты қамауға алу мерзімі тағы бір айға ұзартылды

22.05.2024

Бишімбаев мерзімінен бұрын босатылуы мүмкін бе – Әділет министрлігі пікір білдірді

16.05.2024

Қазақстанда Орталық Азия мен Ауғанстан үшін БҰҰ-ның аймақтық орталығын ашу қажет – Тоқаев

16.05.2024

«Ол шіркеуді де бомбалауға дайын!» – «Рождествошыл» Путиннің әрекетіне әлем не дейді?

06.01.2023

Тәліптер қыз балаларға тағы бір тыйым енгізді

21.12.2022

Ресей БҰҰ мүшелігінен шыға ма? Сарапшылар жауап берді

07.04.2022
MalimBlocks
Бұрынғы әділет министрі Марат Бекетаевты қамауға алу мерзімі тағы бір айға ұзартылды

Ол Әділет министрлігін 2016 жылғы қыркүйектен 2022 жылғы 5 қаңтарға дейін басқарған болатын.

Бишімбаев мерзімінен бұрын босатылуы мүмкін бе – Әділет министрлігі пікір білдірді

Бұл жазасын өтеп жатқан адам жақсы тәртібімен көзге түскен жағдайда мүмкін болады.

Қазақстанда Орталық Азия мен Ауғанстан үшін БҰҰ-ның аймақтық орталығын ашу қажет – Тоқаев

Ауғанстанда күрделі әрі түрлі бағыттағы процестер жүріп жатыр.

«Ол шіркеуді де бомбалауға дайын!» – «Рождествошыл» Путиннің әрекетіне әлем не дейді?

Құдайшыл бола қалған Путин және әлем

Тәліптер қыз балаларға тағы бір тыйым енгізді

Халықаралық қауымдастық "тәліптер уәделерін бұзды" деп есептейді.

Ресей БҰҰ мүшелігінен шыға ма? Сарапшылар жауап берді

Қазақстан Ресейді БҰҰ-ның Қауіпсіздік кеңесі мүшелігінен шығаруды қолдамайды