Бүгін президент Қасым-Жомарт Тоқаев елдегі Төтенше жағдайға байланысты Ақорданың ресми сайты арқылы жазбаша үндеуін жолдады. Бұған дейін Берік Уәли фейсбук парақшасында Тоқаевтың үндеуі телевизиялық форматта болатынын айтып: «Президент коронавирус жағдайына қатысты кезекті телевизиялық үндеу жариялайды» деген еді. Бірақ үндеудің күнін айтқанымен уақытын кешіктіріп барып айтқан баспасөз хатшысының "телевизиялық үндеу" дегені өтірік болып шықты.
[caption id="attachment_3086" align="alignleft" width="191"]
Б. Уәлидің фейсбук парақшасынан скриншот[/caption]
Сонымен Тоқаев бүгін жазбаша үндеуін жариялады.
Тоқаев дағдарыстан кейінгі кезеңге дайындықтың маңыздылығына мән беріп, экс-президент, Қауіпсіздік Кеңесінің басшысы Нұрсұлтан Назарбаевтың нақты тапсырма бергенін айтты.
«Біз қазірден бастап дағдарыстан кейінгі кезеңге дайындалуымыз керек.
Бұл жөнінде Елбасы Қауіпсіздік Кеңесінің 24 сәуірде өткен отырысында нақты айтты.
Үкімет пен Ұлттық банк 11 мамырға дейін Экономикалық дамуды қалпына келтіру жөніндегі кешенді жоспарды дайындайды.
Онда дағдарыстан зардап шеккен салаларға қолдау көрсету шаралары қамтылады.
Бүгінде еліміз дамудың жаңа деңгейіне қадам басып отыр.
Шын мәнінде, біз енді мүлде жаңа жағдайда өмір сүретін боламыз.
Сондықтан экономикаға және мемлекеттік басқару жүйесіне ауқымды әрі маңызды өзгерістер қажет», - деді Тоқаев.
MalimBlocks
