"Билік ата-анадан баланың құқығын талап етпес бұрын, жағдай жасасын"

Есдәулет Қызырбекұлы

  • 21.01.2021

Адам құқықтары мен заңдылықты сақтау жөніндегі Қазақстан халықаралық бюросында өткен баспасөз мәслихатында Жазира Қамолданова, Ғалия Жүсіпова, Гүлбану Аманова және Жанат Кәрменова соңғы уақыттары қоғамда қызу талқыланып жатқан «тұрмыстық зорлық-зомбылыққа қарсы іс-қимыл туралы» заңға түбегейлі қарсы екендерін жеткізді.

Жазира Қамолданованың сөзінше, билік ата-анадан баланың құқығын талап етпес бұрын, бірінші солардың жағдайын жасауы керек.

«Біз сіздердің алдарыңызға бүгін «отбасылық-тұрмыстық зорлық-зомбылыққа қарсы іс-қимыл туралы» заң жобасына үзілді-кесілді қарсы екенімізді білдіру үшін шығып отырмыз. Себебі бүгінгі таңда бұл заңды қабылдауда еш қажеттілік бар деп ойламаймыз...  Мемлекет тарапынан бізге айтылып жатыр, баланың жағдайы жасалмаса, ата-ана балаға қамқорлық ете алмаса, онда оны кризистік орталықтарға өткіземіз деп. Мен мысалы, сегіз бала тәрбиелеп отырған батыр анамын. Бізге марапатқа 17 500 теңге ғана ақша береді. Ата-ана баланың жағдайын жасау үшін, мемлекет ананың жағдайын жасау керек деп ойлаймын. Мысалға, біздің үйде сегіз балаға сегіз бөлме жоқ. Көп балалы аналардың сегіз бөлмелі үйі жоқ. Кем дегенде 1-2 бөлмеде 8-10 баламен тұрып жатыр. Қазақстанда жер көп, бірақ біз бір метр жер алу үшін қаншама жыл жылап келе жатырмыз. Баспаналар көптеп салынады, бірақ оның барлығы биліктің өзінің талан-таражына түседі. Сонда қазір мемлекет аналардың жағдайын жасамай қайда қарап отыр? Бірінші ананың, отбасының жағдайын жасап, содан кейін ата-анадан баланың құқығын талап етуі керек», - дейді Қамолданова.

Ғалия Жүсіпова қазір әртүрлі топ өкілдері елді дүрліктіріп отыр. Мәжіліс депутаттары заңды қарамас бұрын халыққа түсіндіру жұмыстарын жүргізулері керек еді дейді.

«Бұны (алынып тасталған заң тармақтарын – ред) желеу етіп, түрлі топ өкілдері халықты дүрліктіріп отыр. Бұның артында кімдер тұр? Халықты адастыру кімге керек? Осындайда мәжіліс депутаттары халыққа түсіндірмейме...Үкімет бірінші бізге жұмыс орындарын ашсын. Мысалы, баланы бөлмемен қамтамасыз ету керек дейді. Менде жұмыс, ақша бар болып тұрса балама барлық жағдайды жасаймын», - дейді Жүсірова.

Қаңтардың 18-і күні Нұр-Сұлтан қаласында бір топ әйел «отбасылық-тұрмыстық зорлық-зомбылыққа қарсы іс-қимыл туралы» заңға қарсы наразылық акциясын ұйымдастырып, парламент ғимаратына кірмекші болды. Бірақ олардың жолын арнайы жасақ сарбаздары бөгеді. Көп балалы аналардың сөзінше, заңда халықтың тұрмысына кереғар келетін талаптар бар. Бұдан бөлек, өздерін «Оңтүстік ақындары» деп таныстырған айтыскер ақын Біржан Байтуов бастаған бірнеше адам бейнеүндеу жасап, президент Қасым-Жомарт Тоқаев пен мәжіліс спикері Нұрлан Нығматулиннен заңның қабылдануына жол бермеулерін сұрады.

Парламент мәжілісі «отбасылық-тұрмыстық зорлық-зомбылыққа қарсы іс-қимыл туралы» заң жобасын 2020 жылдың қыркүйек айында бірінші оқылымда мақұлдаған. Бірақ сенат оны әлі қараған жоқ. Бұл жоба заң ретінде күшіне енбеген.

Байланысты жаналықтар

Балабақшадағы «боэвик». Таяқ жеген баланың миы шайқалған

23.02.2024

Кәсіпкерлер әкімдікке жиналып, салықты төмендетуді талап етті

15.02.2024

Digital форумында Қазақстан не көрсетті?

02.02.2024

Алматыда тұрғын үйдің шаршы метрінің орташа бағасы 720 мың теңгеден асты

31.01.2024

Мұстафа Кемал Ататүрікке арналған ескерткіш ашылды 

26.01.2024

Алматыда қанша балдық жер сілкінісі болды?

23.01.2024
MalimBlocks
Балабақшадағы «боэвик». Таяқ жеген баланың миы шайқалған

Бөлмеде қатарласын жерге құлатып, басынан тепкілеген

Кәсіпкерлер әкімдікке жиналып, салықты төмендетуді талап етті

Олар бөлшек салықты 4 пайыздан 2% - ға дейін төмендеткісі келеді

Digital форумында Қазақстан не көрсетті?

Digital Almaty форумында озық цифрлық жобалар көрмесінде цифрландыру саласындағы отандық жетістіктер көрсетілді. 

Алматыда тұрғын үйдің шаршы метрінің орташа бағасы 720 мың теңгеден асты

Алматы қаласының тұрғын үй нарығы елдегі бәсеке қызып тұрған нарық. Krisha.kz деректері бойынша оңтүстік астанадағы үйлер басқа өңірлермен салыстырғанда қымбаттырақ.

Мұстафа Кемал Ататүрікке арналған ескерткіш ашылды 

Алматыда Түркияның тұңғыш Президенті Мұстафа Кемал Ататүрікке арналған ескерткіш ашылды. Ашылу салтанатына Мәдениет және ақпарат министрі Аида Балаева, Түркия Республикасының Қазақстандағы Елшісі Мұстафа Капуджу, Түрксой Халықаралық ұйымының Бас хатшысы Сұлтан Раев, Алматы қаласының әкімі Ерболат Досаев қатысты.

Алматыда қанша балдық жер сілкінісі болды?

Алматыда жер сілкінді. Әлеуметтік желілерде жұрттың сыртқа шығып кеткен фото-видеосы тарады.