Бронежилетті әкім: Күршім ауданы соғысқа дайындалып жатыр ма?

Есдәулет Қызырбекұлы

  • 25.02.2021

Коронавирус пандемиясы ушығып, халық дәрі таппай жатқан уақытта Шығыс Қазақстан облысы Күршім ауданының әкімі Қажанов Дулат бронежилет сатып алған.

Кеше kent_vko парақшасында Күршім ауданы әкімінің аппараты 1 000 000 теңгеге бронежилет сатып алғандығы жөнінде ақпарат жарияланды. Онда пост авторы мемлекеттік сатып алулар порталындағы хабарландыруға сілтеме жасап, «аудан әкімі атысқа дайындалып жатыр ма?» деп жазды. «Ай мен күннің аманында аудан әкімдігі кіммен атыспақшы?» деген сұрақ біздің де қызығушылығымызды оятты. Осыдан кейін, біз де мемлекеттік сатып алулар порталына кіріп, ақпараттың растығына көз жеткізуді жөн көрдік.

 

Мемлекеттік сатып алулар порталында Күршім ауданы әкімінің аппараты 2020 ж. 07. 23 мен 2020 ж. 07. 30 аралығында шын мәнінде 1 000 000 теңгеге 20 дана бронежилет сатып алғаны жөнінде хабарландыру жарияланған. Аталмыш мемелекеттік сатып алудың «№4675664-ЗЦП1 қорытынды хаттамасында» №32987812-ЗЦП2 лотты  «DJ Invest» компаниясы жеңіп алғаны жөнінде айтылған. «DJ Invest»-тен бөлек, лотқа «ЖК Интымакова Б.Ж», «SYNERGY INC» ЖШС және «TEST» ЖШС компаниялары қатысқан. Соңғысы екінші орын алған.

Порталда «DJ Invest»-тің басшысы Жинтимирова Жанар Тулеповна, компания мекенжайы Алматы қаласы, Розыбакиев 117/21 деп көрсетілген.

«DJ Invest» бұған дейін мемлекеттік сатып алуларға бірнеше рет қатысқан. Оның қызмет көрсету аясы алуан түрлі. Ол «мүгедектерге арналған коляска-креслодан» бастап, «өрт сөндіргіш», «трамвайларға арналған қосалқы бөлшектерге» дейінгі аралықтағы лоттарға қатысқан. Және барлығында жеңіске жеткен.

Күршім ауданының әкімі коронавирус пандемиясы өршіп, дәрі таппай, не істерін білмеген халықты індеттен бронежилет алу арқылы қорғаймын деді ме, жоқ әлде вируспен соғысқа осылайша дайындалды ма бізге әзірге белгісіз. Кейде «әлемдегі геосаяси жағдай ушығып тұрған уақытта шекаралық ауданды басқару қауіпті болғасын, әкім ешнәрсеге қарамастан, бірден 20 дана бронежилет алды ма екен» деген де ой келеді миымызға. Әрине, бұның барлығы жай ой ғана. Неде болса, 2020 жылдың шілдесінен бері Күршім ауданында бронежилет асынған 20 адам бар...

Байланысты жаналықтар

Алматыда жолақы құны 120 теңге болуы мүмкін

19.07.2024

Екі адам қаза тапты: Алматыда тағы да автобус апаты болды

18.07.2024

Доллар мен рубльдің бүгінгі бағамы қандай

18.07.2024

Бүгін елімізде ауа райы қандай болады

18.07.2024

Алматы тұрғыны ресейліктерді балағаттағаны үшін қамауға алынды

17.07.2024

Қор нарығында доллар 2 теңгеге қымбаттады

16.07.2024
MalimBlocks
Алматыда жолақы құны 120 теңге болуы мүмкін

Бұл жөнінде қалалық мәслихаттың кезектен тыс XXI сессиясында айтылды

Екі адам қаза тапты: Алматыда тағы да автобус апаты болды

Бұл туралы қалалық Полиция департаменті мәлім етті.

Доллар мен рубльдің бүгінгі бағамы қандай

Ұлттық банктің 18 шілдеге арналған ресми бағамы – 1 долларға 474, 83 теңге.

Бүгін елімізде ауа райы қандай болады

Республика бойынша желдің күшейюі күтіледі.

Алматы тұрғыны ресейліктерді балағаттағаны үшін қамауға алынды

Әдепсіз сөздер айтып, ұлтты балағаттаған Алматы тұрғыны ұсталды

Қор нарығында доллар 2 теңгеге қымбаттады

Бір АҚШ долларының орташа бағамы — 474,62 теңге.