Цой "Спутник V" үшін Боранбаевқа қанша ақша бөлінетінін айтты

Malim Админ

  • 10.02.2021

Денсаулық сақтау министрі Алексей Цой бизнесмен Қайрат Боранбаев мен Ресей бизнесмендері иелік ететін Қарағандыдағы фармацевтикалық кешенге "Спутник V" вакцинасын өндіргені үшін қанша ақша бөлінетінін айтты.

Бүгін өткен онлайн брифингіде "Азаттық" тілшісінің сұрағына жауап берген Алексей Цойдың айтуынша, Ресейдің "Спутник V" вакцинасын сатып алуға жалпы 18 миллиард теңге бөлінсе, оның 15 миллиард 170 миллион теңгесі Қарағандыдағы фармацевтикалық кешенге бөлінген.

Бұған дейін денсаулық сақтау министрінің орынбасары Мұрат Шоранов "Спутник V" вакцинасының бір бөлігі Ресейден, бір бөлігі Қарағандыдағы фармацевтикалық кешеннен сатып алынатынын айтқан.

Алексей Цой "Спутник V" вакцинасының екі дозасын Қазақстан 26 доллардан сатып алып жатқанын айтты.

"Вакцинаның алғашқы партиясы 26 доллардан келді. Тасымалдаушыдан баға өзгеруі мүмкін деген хабарлама алдық", - деді А.Цой.

Сондай-ақ "Азаттық" тілшісі Қарағандыдағы фармацевтикалық кешен вакцинаны бастан-аяқ өзі өндірмей, Ресейден субстанцияны алып келіп, ақырғы өнім ғана дайындап шығаратынын, оны тексеріске қайтадан Ресейге жолдап, кейін "СҚ-Фармация" мен аймақтық хабтарға жіберетін ұзын-сонар тізбекке назар аударды.

"Бұл жердегі басты мәселе Қазақстан аумағында вакциналардың қолжетімді болуы, - деді А.Цой. - Ресей аумағында вакцинаны шығару мен технологиялық мүмкіндік шектеулі, өйткені бүкіл әлем сол вакцинаны сұратып отыр. Сондықтан тексерілген вакцинаны алудың кез келген әдіспен алуды қаладық. Алғашқы келісім сол субстанцияны алу бойынша жасалды. Себебі Қазақстанның өзінің технологиялық мүмкіндігі болды. Қазақстанда биологиялық препараттарды құйып, залалсыздандырып, тасымалдай алатын зауыттың болғаны – сәттілік. Алғашқы әдіс Қазақстан аумағына вакцинаны жеткізу еді, басқа мүмкіндіктер болып жатса оны да қарастырамыз", - деді А.Цой.

Оқи отырыңыздар: Ресей вакцинасына Боранбаевтың қатысы қандай?

Malim.kz ақпарат құралдарының арасынан алғашқы болып Қарағандыдағы фармацевтикалық кешеннің иелері бизнесмен Қайрат Боранбаев, Ресей олигархы Виктор Харитонин, Ресейдің бұрынғы вице-министрлері Андрей Реус пен Андрей Дементьев екеніне назар аударған. Кейін бұл тақырыпты дамытқан "Азаттықтағы" әріптестер Боранбаев пен өзге құрылтайшылар "Спутникті" Қазақстанда өндіргеннен қанша пайда табады деген мәселені көтерген. Бірнеше күннен кейін "Азаттық" тілшісіне хабарласқан Қайрат Боранбаев Қарағандыдағы фармацевтикалық кешен "Спутникті" өндіруден мүлде пайда таппайды деген. Қайрат Боранбаев көп шығынды фармацевтикалық кешеннің өзі мойнына алғанын айтқан. Әрі экс-президентпен туыстығының бизнесіне қатысы жоқтығын түсіндірген.

"Бізде маржа жоқ. Қаншаға сатып алсақ, соншаға сатамыз. Бұл баға ведомствоаралық комиссияда үкіметаралық келісіммен бекітілді, тасымалдау мен қайта ораудың шығыны ескерілмеді. Ал вакцина міндетті түрде қайта оралуы керек, өйткені ол Қазақстандағы бүкіл қалаға тасымалданады. Қаптама қазақ және орыс тілдерінде жазылуы тиіс. Бұл шығынды өзіміз көтердік. Біздікі әлеуметтік жоба. Денсаулық сақтау министрлігіне ең болмаса өндіріс шығынын өтеп беріңдер деп сұрадық. Болды. Ешкім тасымалдау шығынын ескермеді", - дейді Боранбаев.

Оқи отырыңыздар: Боранбаев “Мәлім” көтерген мәселеге жауап берді

Байланысты жаналықтар

Сценарий авторы – Цой. Жанр: Локдаун

30.06.2020

Вакцинацияға онлайн жазылуға болады

07.04.2021

Біртановпен айқасқан дәрігер: 200 мың адамдық митингіге рұқсат сұрадым

10.09.2020

Қытайдан "келген" вакцинаны Цой білмейді екен

30.03.2021

Сағынтаевтың әкімдігі Боранбаевтың қонақ үйін жалдап жатыр

01.03.2021

Цой: Мамырда вирусты тәулігіне 4 мың адам жұқтырады

20.04.2021
MalimBlocks
Сценарий авторы – Цой. Жанр: Локдаун

Вакцинацияға онлайн жазылуға болады

Біртановпен айқасқан дәрігер: 200 мың адамдық митингіге рұқсат сұрадым

Қытайдан "келген" вакцинаны Цой білмейді екен

Сағынтаевтың әкімдігі Боранбаевтың қонақ үйін жалдап жатыр

Цой: Мамырда вирусты тәулігіне 4 мың адам жұқтырады